கல்கிஸ்ஸை காவல்துறை பிரிவிற்குட்பட்ட படோவிட்ட பகுதியில் இன்று (13) இரவு இடம்பெற்ற துப்பாக்கிச் சூட்டில் ஒருவர் உயிரிழந்துள்ளார்.
துப்பாக்கிச் சூட்டில் காயமடைந்த குறித்த நபர் சிகிச்சைக்காக களுபோவில வைத்தியசாலையில் அனுமதிக்கப்பட்ட பின்னர் உயிரிழந்துள்ளதாக தெரிவிக்கப்படுகிறது.
சம்பவத்தில் உயிரிழந்தவர் 30 வயதான, 03, படோவிட்ட பிரதேசத்தில் வசித்து வந்தவர் என தெரியவந்துள்ளது.
மேலதிக விசாரணை
மேலும், இந்த துப்பாக்கிச் சூட்டுக்கு T56 துப்பாக்கி பயன்படுத்தப்பட்டிருக்கலாம் என சந்தேகிக்கப்படுகிறது, மேலும் சந்தேக நபர்கள் குறித்து எந்த தகவலும் வெளியாகவில்லை.
119 அவசர இலக்கத்திற்கு கிடைத்த தகவலின் ஊடாக இந்த சம்பவம் தொடர்பில் கல்கிஸ்ஸை காவல்துறையினர் மேலதிக விசாரணைகளை ஆரம்பித்துள்ளனர்.