Courtesy: Sivaa Mayuri
இந்திய கடற்படை, ஒருங்கிணைந்த நடவடிக்கை ஒன்றில், இலங்கை கடற்படையுடன் இணைந்து சுமார் 500 கிலோ கிரிஸ்டல் மெத் என அடையாளம் காணப்பட்ட போதைப்பொருளை கைப்பற்றியுள்ளதாக தெரிவிக்கப்பட்டுள்ளது.
அரபிக்கடலில் இரண்டு கடற்றொழி்ல் படகுகளில் இவை கைப்பற்றப்பட்டுள்ளது.
இந்த கூட்டு நடவடிக்கையானது, இலங்கை கடற்படையினரிடம் இருந்து பெறப்பட்ட புலனாய்வுத் தகவலை தொடர்ந்து மேற்கொள்ளப்பட்டுள்ளது.
மேலதிக சட்ட நடவடிக்கைகள்
இந்த இரண்டு கடற்றொழி்ல் படகுகளிலும் இலங்கையின் கொடியேற்றப்பட்டிருந்தன.
இந்தநிலையில், கைப்பற்றப்பட்ட போதைப்பொருட்களுடன், அதில் பயணித்தவர்கள், மேலதிக சட்ட நடவடிக்கைகளுக்காக இலங்கை அதிகாரிகளிடம் கையளிக்கப்பட்டுள்ளதாக இந்திய கடற்படையினர் அறிவித்துள்ளனர்.