கட்சியின் கொள்கைகளுக்கு எதிராகச் செயல்படுபவர்களுக்கும் அதன் கொள்கைகளை
விமர்சிப்பவர்களுக்கும் எதிராக ஒழுக்காற்று நடவடிக்கை எடுக்க ஐக்கிய மக்கள்
சக்தி செயற்குழுக் கூட்டத்தில் முடிவு செய்யப்பட்டதாக எதிர்க்கட்சியின் பிரதான
அமைப்பாளரும் நாடாளுமன்ற உறுப்பினருமான கயந்த கருணாதிலக தெரிவித்தார்.
ஐக்கிய மக்கள் சக்தியில் ஏதேனும் குறைபாடுகள் இருந்தால், அது குறித்து
கட்சிக்குள் விவாதிக்கப்பட வேண்டும் என்றும், கட்சிக்கு வெளியே பல்வேறு
இடங்களில் அது குறித்து அறிக்கைகளை வெளியிட்டு கட்சியை விமர்சிப்பவர்களுக்கு
எதிராக ஒழுக்காற்று நடவடிக்கை எடுக்கப்பட வேண்டும் என்றும் கட்சியின்
செயற்குழுக் கூட்டத்தில் முடிவு செய்யப்பட்டதாக அவர் சுட்டிக்காட்டினார்.
கட்சியின் கொள்கைகள்
கட்சியில் ஏதேனும் பிரச்சினை இருந்தால், கட்சியின் நாடாளுமன்றக் குழுக்
கூட்டம், கட்சியின் செயற்குழு மற்றும் கட்சியின் நிர்வாகக் குழுவில்
விவாதிக்கலாம், மேலும் அது குறித்து வெளியே விவாதிப்பது கட்சி ஒழுக்காற்று
மீறலாகும், எனவே கட்சி அதில் மிகுந்த கவனம் செலுத்தி வருவதாக நாடாளுமன்ற
உறுப்பினர் கயந்த கருணாதிலக தெரிவித்தார்.
ஐக்கிய மக்கள் சக்தியின் செயற்குழுக் கூட்டம் சமீபத்தில் கட்சித் தலைவரும்
எதிர்க்கட்சித் தலைவருமான சஜித் பிரேமதாசவின் தலைமையில் நடைபெற்றதாகவும்,
அதில் பெரும்பாலானோர் பங்கேற்றதாகவும் நாடாளுமன்ற உறுப்பினர் கயந்த கருணாதிலக
தெரிவித்தார்.