நாட்டின் அத்தியாவசிய இரத்த விநியோகத்தை சமநிலையில் நடத்திச் செல்வதற்காக முக்கிய இரத்த வங்கிகளுக்குச் செல்லுமாறு இரத்த நன்கொடையாளர்களுக்கு தேசிய இரத்த மாற்று சேவை அவசர வேண்டுகோள் விடுத்துள்ளதாக இயக்குநர் டாக்டர் லக்ஷ்மன் எதிரிசிங்க இன்று அறிவித்தார்.
தற்போது ஏற்பட்டுள்ள பாரிய அனர்த்தம் காரணமாக நடமாடும் இரத்த தான முகாம்களை நடத்த முடியாதுள்ளது.மேலும் திட்டமிடப்பட்ட ஏராளமான இரத்த தான முகாம்கள் இரத்து செய்யப்பட்டுள்ளன.
இதன் விளைவாக, நடமாடும் சேகரிப்புகளுக்கு பொறுப்பான மருத்துவ குழுக்கள் தேவையான தினசரி விநியோகத்தை சேகரிக்க சிரமப்படுகின்றன.
தொடர்ச்சியான இரத்த மாற்று சேவையை பராமரிக்க ஒவ்வொரு நாளும் கிட்டத்தட்ட 1,500 யூனிட் இரத்தம் தேவைப்படுகிறது. எங்கள் இரத்த விநியோகத்தில் 85% க்கும் அதிகமானவை பொதுவாக நடமாடும் முகாம்களில் இருந்து வருகின்றன,என்று டாக்டர் எதிரிசிங்க கூறினார்.
நாரஹேன்பிட்டியில் தேசிய இரத்த மையம்
இருப்பினும், நேற்று 237 யூனிட்கள் மட்டுமே சேகரிக்கப்பட்டன, இன்று (31.11.2025) அது சுமார் 400 யூனிட்கள்.இந்த அளவுகள் தேசிய இரத்த விநியோகத்தை பராமரிக்க போதுமானதாக இல்லை என்று எச்சரித்தார்.
நாரஹேன்பிட்டியில் உள்ள தேசிய இரத்த மையம் காலை 8:00 மணி முதல் மாலை 6:00 மணி வரை திறந்திருக்கும்.
நன்கொடையாளர்களுக்கு தேவையான அனைத்து வசதிகளையும் வழங்க மருத்துவ அதிகாரிகளுக்கு அறிவுறுத்தப்பட்டுள்ளதாகவும் அவர் கூறியுள்ளார்.
இந்நிலையில், இன்று, நாட்டு மக்கள் பலர் இரத்த தானம் செய்ய மிகப்பெரிய வரிசையில் வந்துள்ளதாக தகவல்கள் வெளியாகியுள்ளது.