மட்டக்களப்பு வாவியில் மூழ்கி குடும்பஸ்தர் பலி

மட்டக்களப்பு- மண்முனைப் பகுதியில் வாவியில் மூழ்கி குடும்பஸ்தர் ஒருவர் உயிரிழந்துள்ளார்.

குறித்த சம்பவமானது நேற்றையதினம்(28) இடம்பெற்றுள்ளது.

கோவில் குளம் கிராமத்தைச் சேர்ந்த நான்கு பிள்ளைகளின் தந்தையான 49 வயதுடைய கறுவல்தம்பி தங்கவேல் என்பவரே இவ்வாறு உயிரிழந்துள்ளார்.

உயிரிழப்பு

சம்பவம் தொடர்பில் மேலும் தெரியவருகையில், மீன் பிடிப்பதற்காக ஆற்றில் இறங்கிய குறித்த நபர் மீன்பிடித்துக் கொண்டிருந்த போது ஆழமான பகுதிக்குள் தவறுதலாக சென்றதால் அதிலிருந்து மீளமுடியாமல் காணாமல் போயுள்ளார்.  

இதையடுத்து, உறவினர்களும் பொதுமக்களும் மற்றும் பொலிஸாரும் இணைந்து தேடுதலில் ஈடுபட்ட நிலையில் அவர் சடலமாக மீட்கப்பட்டுள்ளார்.

மேலதிக விசாரணை

சம்பவ இடத்துக்கு சென்ற திடீர் மரண விசாரணை அதிகாரி வடிவேல் மணிகரன் முதற்கட்ட
விசாரணைகளை மேற்கொண்டு உடற்கூற்று பரிசோதனைக்காக மட்டக்களப்பு போதனா
வைத்தியசாலைக்கு அனுப்பி வைத்தார்.

மேலதிக விசாரணைகளை காத்தான்குடி பொலிஸார்
முன்னெடுத்து வருகின்றனர்.