யாழில் இரத்து செய்யப்பட்ட கூட்டம்: பலத்த ஏமாற்றத்தில் சஜித்

யாழ்ப்பாணத்தில் (Jaffna) ஐக்கிய மக்கள் சக்தியின் ஜனாதிபதி வேட்பாளர் சஜித் பிரேமதாசவின் பிரசாரக் கூட்டம் இரத்துச் செய்யப்பட்டுள்ளதால் பலத்த ஏமாற்றம் ஏற்பட்டுள்ளது.

குறித்த கூட்டமானது, யாழ்ப்பாணத்தில் உடுப்பிட்டியில் இன்று ( (10) ) நடைபெறவிருந்தது.

எனினும், நண்பகல் வரை மக்களை ஒன்று திரட்டுவதில் ஏற்பாட்டாளர்கள் தோல்விகண்ட நிலையில் இந்தக் கூட்டம் இரத்துச் செய்யப்பட்டுள்ளது.

கூட்டம் இரத்து

இந்தக் கூட்டத்தில் மக்களை அழைத்துவர முடியாது போன நிலையில் இசைக் குழுவினர் பாடல் இசைத்தவண்ணம் இருந்துள்ளனர்.

இதேவேளை, ஐக்கிய மக்கள் சக்தியின் தேர்தல் பிரசாரக் கூட்டம் தமிழரசுக் கட்சி உறுப்பினர் அகிலன் முத்துக்குமாரசாமியின் ஏற்பாட்டில் இன்று( பிற்பகல் 3 மணிக்கு யாழ்.கொடிகாமம் நட்சத்திர மஹால் மண்டபத்தில் இடம்பெற்றுள்ளது.

இந்த நிகழ்வில் ஜிலானி பிரேமதாச, உமாசந்திரா பிரகாஷ் ஆகியோர் கலந்து கொண்டமை குறிப்பிடத்தக்கது.