யாழில் போதைபொருள் விவகாரத்தில் சிக்கிய பிரபல வர்த்தகரின் மகன்

யாழில் (Jaffna) இலக்க தகடற்ற புதிய காரில் ஹெரோயின் போதைப்பொருளை கடத்திச் சென்ற
நபரொருவர் கைது செய்யப்பட்டுள்ளார்.

குறித்த கைது நடவடிக்கை நேற்று (27) மேற்கொள்ளப்பட்டுள்ளது.

யாழ் மாவட்ட குற்றத்தடுப்பு பிரிவு காவல்துறையினரால் குறித்த கைது நடவடிக்கை
முன்னெடுக்கப்பட்டுள்ளது.

போதைப்பொருள் 

இது தொடர்பில் மேலும் தெரியவருகையில், சம்பவத்தில் 11 கிராம் 600 மில்லிகிராம் ஹெரோயின் மீட்கப்பட்டு கடத்தலுக்கு
பயன்படுத்தப்பட்ட காருடன் குறித்த நபர் கைது செய்யப்பட்டுள்ளார்.

குறித்த நபர் பிரபல வர்த்தகரின் மகன் எனவும் ஏற்கனவே ஹெரோயின் போதைப்பொருள்
தொடர்பான வழக்கில் கைதாகி பிணையில் விடுவிக்கப்பட்டவரெனவும் காவல்துறையினர் தெரிவித்துள்ளனர்.

மேலதிக விசாரணை

குறித்த நபர் கைதிலிருந்து தப்புவதற்காக தமக்கு கையூட்டு வழங்க
முயற்சித்ததாகவும் காவல்துறையினர் குறிப்பிட்டுள்ளார்.

கைதான சந்தேக நபரை மேலதிக விசாரணைகளுக்கு பின்னர் யாழ்ப்பாணம் நீதிவான்
நீதிமன்றத்தில் முற்படுத்த காவல்துறையினர் நடவடிக்கை எடுத்துள்ளமை குறிப்பிடத்தக்கது.