KGF
2022ஆம் ஆண்டு இந்திய சினிமாவை திரும்பி பார்க்க வைத்த திரைப்படம் KGF 2. முதல் பாகம் மாபெரும் வெற்றியடைந்ததை தொடர்ந்து KGF 2 மிகப்பெரிய எதிர்பார்ப்பில் வெளிவந்த உலகளவில் ரூ. 1200 கோடிக்கும் மேல் வசூல் செய்து சாதனை படைத்தது.
KGF 2 படத்தின் இறுதியில் KGF 3 படத்திற்காக லீடு கொடுத்திருப்பார் இயக்குனர் பிரஷாந்த் நீல். இதனால் KGF 3 படம் எப்போது என்கிற கேள்வி தொடர்ந்து கேட்கப்பட்டு வருகிறது.
கடந்த சில மாதங்களுக்கு முன் இயக்குனர் பிரஷாந்த் நீல் இயக்கத்தில் அஜித் நடிக்கப்போகிறார் என தகவல் இணையத்தில் உலா வந்த நிலையில், KGF 3 படத்திலும் அஜித் நடிக்கவுள்ளார், அது பிரஷாந்த் நீலின் யூனிவர்ஸாக மாறப்போகிறது என பேசி வந்தனர். ஆனால், இதுகுறித்து எந்த ஒரு அதிகாரப்பூர்வமான தகவலும் வெளிவரவில்லை.
KGF 3ல் அஜித் நடிக்கிறாரா
இந்த நிலையில், KGF படத்தில் நடித்த நடிகை மாளவிகா அவினாஷ் சமீபத்திய பேட்டி ஒன்றில், KGF 3-யின் லீடுக்கான படப்பிடிப்பு நடந்ததாக கூறியுள்ளார்.
பின் அஜித் இப்படத்தில் நடிக்கிறாரா? என தொகுப்பாளினி கேள்வி எழுப்ப, எனக்கு தெரியவில்லை இயக்குனரின் போன் நம்பர் வேண்டுமென்றால் தருகிறேன், நீங்களே கேட்டுக்கொள்ளுங்கள் என கூறியுள்ளார்.
Source: https://cineulagam.com/article/kgf-actress-about-ajith-in-kgf-3-movie-1730612709
