ஆளும் கட்சி கூட்டத்தில் பங்கேற்ற ரணில்! நாட்டின் பொருளாதாரம் தொடர்பிலும் பேச்சுவார்த்தை

ஆளும் கட்சி நாடாளுமன்ற உறுப்பினர்கள் குழுவின் விசேட கூட்டமொன்று அதிபர் ரணில் விக்ரமசிங்க தலைமையில் அதிபர் செயலகத்தில் இடம்பெற்றுள்ளது.

இந்நிலையில் குறித்த கூட்டமானது நேற்று(25) பிற்பகல் இடம்பெற்றுள்ளது.

பொருளாதார முன்னேற்றம்

இந்த சந்திப்பு சுமார் இரண்டு மணி நேரம் நடைபெற்றதுடன் இக்கலந்துரையாடலில் இராஜாங்க அமைச்சர் சுரேன் ராகவனும் கலந்துக்கொண்டுள்ளார்.

நாட்டின் பொருளாதார முன்னேற்றம் குறித்து இதன் போது  கலந்துரையாடப்பட்டதாக சுரேன் ராகவன்  குறிப்பிட்டுள்ளார்.

தேவையான பணி

இதைதொடர்ந்து கருத்து வெளியிட்ட இராஜாங்க அமைச்சர் ஜானக வக்கம்புர, “உள்ளூராட்சி சபைகளில் பணியாற்றும் 8400 ஊழியர்களுக்கு விரைவில் நிரந்தர நியமனம் பெற்றுத் தருமாறு வலியுறுத்தப்பட்டது.

இந்நிலையில் ஊழியர்களுக்கு மிக விரைவில் நிரந்தர நியமனம் வழங்கி தேவையான பணிகளை செய்து தருவோம் அத்தோடு தேர்தல் என்ற பேச்சுக்கே இடமில்லை ஆனால் இந்த ஆண்டு கண்டிப்பாக தேர்தல் நடத்தப்பட வேண்டும்.

பொதுஜன பெரமுன மற்றும் நாம் அனைவரும் இணைந்து தேர்தலில் போட்டியிடுவோம் என நம்புவதுடன் அதிபர் தேர்தல் வேட்பாளர் யார் என்பது அடுத்த மாதம் அறிவிக்கப்படும்” என அவர் குறிப்பிட்டுள்ளார்.