வடக்கு மற்றும் கிழக்கு மாகாணங்களில்(north and eastern province) 2,000 கி.மீ கிராமப்புற வீதிகளை புனரமைப்பதற்கான பாரிய முயற்சிக்கு அரசாங்கம் அனுமதி அளித்துள்ளது.
அதன்படி, வடக்கு மாகாணத்தில் 1,500 கி.மீ மற்றும் கிழக்கு மாகாணத்தில் 500 கி.மீ வீதிகள் புனரமைப்பு செய்யப்படவுள்ளன.
இது அனைத்து பிரதேச செயலகங்களிலும் மோசமான நிலையில் உள்ள வீதிகளை மையமாக வைத்து மேற்கொள்ளப்படவுள்ளது.
முன்னுரிமை அடிப்படையில் சாலை புனரமைப்பு
பொதுமக்களின் பங்களிப்பு, சமூக அமைப்புகள் மற்றும் உள்ளூர் அதிகாரிகளின் உள்ளீடுகளுடன் சேர்ந்து, வளர்ச்சிக்கான முன்னுரிமை அடிப்படையில் சாலைகளை புனரமைக்க உதவும்.
இந்த திட்டத்தை செயல்படுத்த போக்குவரத்து, நெடுஞ்சாலைகள், துறைமுகங்கள் மற்றும் சிவில் விமான போக்குவரத்து அமைச்சர் சமர்பித்த முன்மொழிவுக்கு அமைச்சரவை ஒப்புதல் அளித்தது.
