இலங்கையில் வெள்ளம் குறித்த தவறான தகவல்களை தவிர்க்க டிக்டொக் தேடல் வழிகாட்டி ஒன்றை அறிமுகப்படுத்தியுள்ளது.
டிக்டொக் அதன் தளத்தில் பாதுகாப்பு மற்றும் உண்மை விழிப்புணர்வை ஊக்குவிப்பதற்கான தொடர்ச்சியான முயற்சிகளின் ஒரு பகுதியாக, இயற்கை பேரழிவுகளைச் சுற்றியுள்ள தவறான தகவல் போக்குகளை எதிர்கொள்ள இந்த வழிகாட்டி சரிபார்க்கப்பட்ட தகவல்களை வழங்கும் என தெரிவிக்கப்படுகின்றது.
பேரிடர் மேலாண்மை மையத்துடன் தொடர்பு..
இலங்கையில் வெள்ளம் தொடர்பான புதுப்பிப்புகளை டிக்டொக்கில் தேடும் பயனர்கள், நம்பகமான ஆதாரங்கள் மூலம் தகவல்களைச் சரிபார்க்க வலியுறுத்தும் ஒரு முக்கிய பதாகையை காண முடியும்.
இந்த வழிகாட்டி, இலங்கையின் பேரிடர் மேலாண்மை மையத்துடன் (DMC) பயனர்களை நேரடியாக இணைக்கிறது. அங்கு இருந்து இலங்கையில் உள்ள பயனர்கள் இயற்கை பேரிடர்கள் தொடர்பான சரிபார்க்கப்பட்ட தகவல்களை அணுகலாம். இந்த வழிகாட்டி, டிக்டொக்கின் பாதுகாப்பு மைய வளங்களுடன் பயனர்களை இணைக்கிறது.
மக்கள் தகவலறிந்தவர்களாக இருக்கவும், அவர்களின் நல்வாழ்வில் அக்கறை கொள்ளவும், மிகவும் முக்கியமான தருணங்களில் பொறுப்புடன் ஈடுபடவும் கூடிய ஒரு இடத்தை வளர்ப்பதற்கு இந்த தளம் உறுதிபூண்டுள்ளது என்று டிக்டொக் ஒரு அறிக்கையில் தெரிவித்துள்ளது.
