வீர தீர சூரன்
தமிழ் சினிமாவில் முன்னணி ஹீரோவாக ரசிகர்களால் கொண்டாடப்பட்டு வருபவர் நடிகர் சியான் விக்ரம். இவர் நடிப்பில் உருவான வீர தீர சூரன் படம் கடந்த 27ம் தேதி வெளிவரவிருந்த நிலையில், காலை 9 மணி சிறப்பு காட்சி தடைபட்டது.
அதன்பின் மதியம் 12 மணி காட்சியும் தடைபட்ட நிலையில், அதன்பின் படத்தின் மீது இருந்த தடை நீங்கி, நீதிமன்றத்தின் உத்தரவின்படி மாலை 4 மணி முதல் காட்சி திரையிடப்பட்டது.
ரிலீசுக்கு முன்பே முழு படமும் லீக்.. ஏ.ஆர்.முருகதாஸின் சிக்கந்தருக்கு வந்த பெரிய பாதிப்பு
இப்படத்தில் விக்ரமுடன் இணைந்து இளம் நடிகை துஷாரா விஜயன், நடிப்பு அரக்கன் எஸ்.ஜே. சூர்யா மற்றும் மலையாள நடிகர் சுராஜ் ஆகியோர் நடித்திருந்தனர். ரசிகர்களிடையே இப்படத்திற்கு அமோக வரவேற்பு கிடைத்தது.
வசூல்
இந்த நிலையில், 3 நாட்களை வெற்றிகரமாக பாக்ஸ் ஆபிஸில் கடந்துள்ள வீர தீர சூரன் திரைப்படம் இதுவரை உலகளவில் செய்துள்ள வசூல் குறித்து தகவல் வெளியாகியுள்ளது.
அதன்படி, இப்படம் உலகளவில் 3 நாட்களில் ரூ. 20 கோடிக்கும் மேல் வசூல் செய்துள்ளது. இது இப்படத்திற்கு கிடைத்துள்ள சிறப்பாக ஓப்பனிங் ஆக பார்க்கப்படுகிறது.
