மாவீரர் தினத்தை முன்னிட்டு வடமராட்சியில் இரத்ததான முகாம்

மாவீரர் தினத்தை முன்னிட்டு வடமராட்சி கிழக்கு இளைஞர்களின்
ஏற்பாட்டில் இரத்ததான முகாம் ஒன்று நடாத்தப்பட்டுள்ளது.

குறித்த நிகழ்வானது வடமராட்சி கிழக்கு மருதங்கேணி வடக்கு கிராம அபிவிருத்தி சங்க வளாகத்தில் இன்று (25) காலை 09.00 மணி தொடக்கம் மாலை 03.00 மணி வரையிலும் இளைஞர்கள், தன்னார்வலர்களின் பங்களிப்புடன் நடைபெற்றுள்ளது.

இரத்ததான முகாம் 

இந்த இரத்ததான முகாம் “எமது விடுதலைக்காக உயிர்களையே தியாகம் செய்த மாவீரர்களின்
நினைவாக ஒருதுளி குருதி கொடுப்போம் வாரீர்..” என்னும் தொனிப்பொருளில் முன்னெடுக்கப்பட்டுள்ளது.

இந்த நிகழ்வை மாவீரர் ஒருவரினதும் மற்றும் இறுதி யுத்த காலப்பகுதியில்
வலிந்து காணாமல் ஆக்கப்பட்ட  போராளி ஒருவரினதும் தந்தை  சுடர் ஏற்றி
ஆரம்பித்து வைத்தார்.