கருவாட்டு கறி சட்டிக்குள் விழுந்து பரிதாபமாக உயிரிழந்த சிறுமி

பாணந்துறையில் பொசன் தினத்தன்று வழங்கப்பட்ட உணவு “தன்சலின்” போது கருவாட்டு கறி சட்டிக்குள் தவறி விழுந்த சிறுமி ஒருவர் உயிரிழந்துள்ளார்.

சம்பவத்தின் பின்னர் லேடி ரிட்வே வைத்தியசாலையில் சிகிச்சை பெற்று வந்த 9 வயதுடைய பாடசாலை மாணவி உயிரிழந்துள்ளதாக பாணந்துறை தெற்கு பொலிஸார் தெரிவித்தனர்.

பாணந்துறை பெக்கேகம பிரதேசத்தில் வசிக்கும் ஷயானி மெதும்சா என்ற சிறுமியே இவ்வாறு உயிரிழந்துள்ளதாக தெரிவிக்கப்படுகின்றது.

பொசன் போயா

கடந்த 23ஆம் திகதி பாணந்துறை பிரதேசத்தில் பொசன் போயா தினத்தை முன்னிட்டு தன்சல் வழங்கப்பட்ட நிலையில் சிறுமி அங்கு தனது தாயாருடன் சென்றிருந்த போதே தவறி விழுந்துள்ளார்.

படுகாயமடைந்த சிறுமி பாணந்துறை ஆதார வைத்தியசாலையில் அனுமதிக்கப்பட்ட நிலையில், பின்னர் கொழும்பு லேடி ரிட்ஜ்வே வைத்தியசாலைக்கு மாற்றப்பட்டதாக வைத்தியசாலை வட்டாரங்கள் தெரிவிக்கின்றன.