நாடாளுமன்ற உறுப்பினர் அஜித் பி. பெரேரா பயணித்த வாகனம் விபத்து!

ஐக்கிய மக்கள் சக்தியின் நாடாளுமன்ற உறுப்பினர் அஜித் பி. பெரேரா பயணித்த வாகனம் விபத்துக்குள்ளாகியுள்ளது.

இன்று பிற்பகல் குறித்த விபத்து ஏற்பட்டுள்ளதாக தெரிவிக்கப்படுகிறது.

இந்த விபத்தில் அவருக்கு காயம் எதுவும் ஏற்படவில்லை என கூறப்படுகிறது.

நாடாளுமன்ற தீர்மானம்

ஈரான்-இஸ்ரேல் போர் நிலைமை தொடர்பாக நாடாளுமன்றத்தில் தீர்மானம் ஒன்றை முன்வைக்க திட்டமிடப்பட்டிருந்த எம்.பி., சாலை விபத்து காரணமாக கலந்து கொள்ளவில்லை என கூறப்படுகிறது.

இந்நிலையில் அஜித் பி. பெரேரா சபையில் இல்லாததால், துணை சபாநாயகர் ரிஸ்வி சாலி நாடாளுமன்றத்தை நாளை காலை 9.30 மணி வரை ஒத்திவைத்துள்ளார்.

​​எதிர்க்கட்சித் தலைவர் சஜித் பிரேமதாசவும், சபை ஒத்திவைப்பு நேரத்தில் தொடர்புடைய பிரேரணையை விவாதிக்குமாறு கேட்டுக் கொண்டார்.

இதற்கிடையில், அஜித் பி. பெரேரா தனது பேஸ்புக் கணக்கில் நாடாளுமன்றத்திற்கு வரும்போது விபத்துக்குள்ளானதாகக் கூறி பதிவிட்டுள்ளார்.

மேலும், விபத்தில் அஜித் பி. பெரேராவுக்கு காயம் ஏற்படவில்லை என்றும் அவர் கூறியுள்ளார்.