முதன்முறையாக ஆரம்பமாகிறது இந்து சகோதரர்களின் சமர்

யாழ் (Jaffna) சாவகச்சேரி இந்துக்கல்லூரிக்கும் (Chavakachcheri Hindu College) மானிப்பாய் இந்துக்கல்லூரிக்கும் (Manipay Hindu College) இடையில் இந்து சகோதரர்களின் போர் (Battle of the Hindu Brothers) என்னும் பெயரில் துடுப்பாட்டப் போட்டியொன்று முதன்முறையாக நடைபெறவுள்ளது.

குறித்த போட்டியானது ஜூன் மாதம் 14ம், திகதி மற்றும் 15ம் திகதிகளில் மானிப்பாய் இந்துக்கல்லூரி மைதானத்தில் நடைபெறவுள்ளது.

20 க்கு 20 போட்டி

அதனைத்தொடர்ந்து இரு பாடசாலை பழைய மாணவர்களுக்கான ரி 20 துடுப்பாட்டப் போட்டியும் ஜூன் 16ம் திகதி நடைபெறும் என அறிவிக்கப்பட்டுள்ளது.

மேலும், நூறுக்கு மேற்பட்ட ஆண்டுகள் பழமை வாய்ந்த இரு பாடசாலைகளின் இந்த போட்டித்தொடர் ஆரம்பமாகவுள்ளமையால் இப்பாடசாலைகளைச் சார்ந்த மாணவர்கள் மற்றும் ஆர்வலர்களுக்கு பெரு விருந்தாக அமையும் எனவும் எதிர்பார்க்கப்படுகின்றது.