கூலி
ரஜினி ரசிகர்களால் பெரிதும் எதிர்பார்க்கப்பட்டு கடந்த வாரம் திரைக்கு வந்த படம் கூலி. இப்படத்தை இயக்குநர் லோகேஷ் கனகராஜ் இயக்க சன் பிக்சர்ஸ் நிறுவனம் பிரம்மாண்டமாக தயாரித்து இருந்தனர்.
தமிழ் சினிமாவின் முதல் ரூ. 1000 கோடி படமாக இது இருக்கும் உள்ளிட்ட பல எதிர்பார்ப்புகள் படத்தின் மீது இருந்த நிலையில், கலவையான விமர்சனங்களை பெற்றது.
இதனால் முதல் நான்கு நாட்களை தவிர அதன்பின் வசூல் பெரிதளவில் இல்லை. ஆனால், கண்டிப்பாக ரூ. 500 கோடியை பாக்ஸ் ஆபிசில் கடந்துவிடும் என உறுதியாக கூறப்படுகிறது.
வசூல் விவரம்
இந்த நிலையில், தமிழ்நாட்டில் கூலி இதுவரை செய்துள்ள வசூல் குறித்து தகவல் வெளியாகியுள்ளது. அதன்படி, கூலி படம் இதுவரை தமிழகத்தில் மட்டுமே ரூ. 123 கோடி வசூல் செய்துள்ளது.
அஜித்தின் குட் பேட் அக்லி திரைப்படம் தமிழ்நாட்டில் மட்டுமே ரூ. 175 கோடி வசூல் செய்திருந்த நிலையில், கூலி இதனை முறியடிக்குமா என்பதை பொறுத்திருந்து பார்ப்போம்.
Source: https://cineulagam.com/article/can-coolie-with-beat-good-bad-ugly-collection-1755928078
