வவுனியாவில் பெண்ணொருவரின் தங்க சங்கிலி கொள்ளை

வவுனியாவில்(Vavuniya) வீதியால் சென்ற பெண்ணின் தங்க சங்கிலி மோட்டர் சைக்கிளில் வந்த
இளைஞர்களால் அறுத்துச் செல்லப்பட்டுள்ளதாக வவுனியா பொலிஸார் தெரிவித்துள்ளனர்.

குறித்த சம்பவம் வவுனியா, கோயில்குளம் பகுதியில் இன்று (28.06.2024) இடம்பெற்றுள்ளது.

பொலிஸ் விசாரணை

வவுனியா, கோவில்குளம் பகுதியில் வீதியால் சென்ற பெண்ணை மோட்டர் சைக்கிளில் பின்
தொடர்ந்து சென்ற இருவர் அவரது தங்க சங்கிலியை அறுத்துக் கொண்டு தப்பிச்
சென்றுள்ளனர்.

இதன்போது, ஒரு பவுன் தங்க சங்கிலி அறுக்கப்பட்டுள்ளதாக
பாதிக்கப்பட்ட பெண் வவுனியா பொலிஸ் நிலையத்தில் முறைப்பாடு செய்துள்ளார்.

மேலும், இது தொடர்பான விசாரணைகளை வவுனியா பொலிஸார் முன்னெடுத்துள்ளனர்.

இதேவேளை, கடந்த இரு தினங்களுக்கு முன்பு வவுனியா, சிதம்பரபுரம் பகுதியிலும்
பெண் ஒருவரை பின் தொடர்ந்து மோட்டர் சைக்கிளில் சென்ற இருவர் அவரது சங்கிலியை
அறுத்துச் சென்றுள்ளனர். 

எனவே, பொது மக்கள் நகைகளுடன் வீதியில் செல்லும் போது
அவதானமாகவும், பின் தொடர்பவர்கள் தொடர்பில் எச்சரிக்கையாகவும் செயற்பட
வேண்டும் என பொலிஸார் தெரிவித்துள்ளனர்.