மன்னாரில் காணாமல் போன வயோதிபர் சௌத்பார் கடற்பரப்பில் சடலமாக மீட்பு

மன்னார் சௌத் பார் கடற்பரப்பில் மிதந்து வந்த காணாமல் போன வயோதிபர் ஒருவரின் சடலம் மீட்கப்பட்டுள்ளது.

குறித்த சடலம் நேற்றையதினம்(30.12.2024) மீட்கப்பட்டுள்ளதாக பொலிஸார் தெரிவித்துள்ளனர்.

இவ்வாறு சடலமாக மீட்கப்பட்டவர், காணாமல் போன சாந்திபுரம் பகுதியை சேர்ந்த 59 வயதுடைய கூலித்
தொழிலாளி என அவரின் உறவினர்களினால் அடையாளம் காணப்பட்டுள்ளார்.

மேலதிக விசாரணைகள்

கடந்த 28 ஆம் திகதி முதல் காணாமல் போன நிலையில் அவரை குடும்ப
உறவினர்கள் தேடி வந்தனர்.

இந்நிலையில், நேற்றையதினம்(30.12.2024) சடலத்தை மீட்ட கடற்படையினர் அதனை சௌத் பார் கடற்கரைக்கு கொண்டு வந்தனர். 

சடலம் மன்னார் மாவட்ட பொது வைத்தியசாலையில் ஒப்படைக்கப்பட்டுள்ள நிலையில், மேலதிக
விசாரணைகளை மன்னார் பொலிஸார் முன்னெடுத்து வருகின்றனர்.