எதிர்வரும் ஜனாதிபதித் தேர்தலில் தமது ஆதரவை ரணில் விக்ரமசிங்கவிற்கு (Ranil Wickramasinghe) வழங்கவுள்ளதாக நான்கு பிரதான போக்குவரத்துச் சங்கங்கள் அறிவித்துள்ளன.
குறித்த விடயத்தை ரணிலுடனான இன்றைய (04) சந்திப்பின் போதே அவர்கள் தெரிவித்துள்ளனர்.
ரணிலுக்கு ஆதரவு
இதனடிப்படையில், அகில இலங்கை முச்சக்கரவண்டி சாரதிகள் சங்கம், தேசிய Taxi App முச்சக்கரவண்டி நிபுணத்துவ சங்கம், ஐக்கிய பயணிகள் போக்குவரத்து சேவை நிபுணர்கள் சங்கம், மேல் மாகாண முச்சக்கரவண்டி சாரதிகள் மற்றும் உரிமையாளர்கள் கூட்டுறவு சங்கம் என்பன தற்போதைய ஜனாதிபதிக்கு தமது ஆதரவை வழங்கவுள்ளதாக அறிவித்துள்ளன.
மேலும், பொருளாதார நெருக்கடியை அடுத்து கடனில் தவிக்கும் சாரதிகளின் கடனை மீளச் செலுத்துவதை மறுசீரமைக்க அரச வங்கிகள் மற்றும் தனியார் வங்கிகள் சந்தர்ப்பம் வழங்குவதாக ரணில் தெரிவித்துள்ளமை குறிப்பிடத்தக்கது.
Source: https://ibctamil.com/article/four-transport-unions-support-ranil-1725485668
