சாதாரண தர பரீட்சைக்கு தோற்றும் மாணவர்களுக்கு வெளியான முக்கிய அறிவிப்பு

தேசிய அடையாள அட்டை தகவல் உறுதிப்படுத்தல் கடிதங்கள் இன்னும் கிடைக்காத பரீட்சார்த்திகளுக்கு இந்த ஆண்டு சாதாரண தரப் பரீட்சைக்கு தோற்றுவதற்கான சிறப்பு அறிவிப்பு வெளியிடப்பட்டுள்ளது.

அதன்படி, காலி, குருநாகல், வவுனியா, மட்டக்களப்பு மற்றும் நுவரெலியா மாவட்டங்களில் உள்ள ஆட்பதிவுத் திணைக்களத்தின் தலைமை அலுவலகம் மற்றும் மாகாண அலுவலகங்கள், 2025.03.15 சனிக்கிழமை காலை 8.30 மணி முதல் பிற்பகல் 12.30 மணி வரை, சம்பந்தப்பட்ட பரீட்சை விண்ணப்பதாரர்களுக்கு தேசிய அடையாள அட்டையில் உள்ள தகவல்களை உறுதிப்படுத்தும் கடிதங்களை வழங்குவதற்காக மட்டுமே திறந்திருக்கும்.

ஆட்பதிவுத் திணைக்களத்தின் அதிகாரப்பூர்வ வலைத்தளமான www.drp.gov.lk ஐப் பார்வையிட்டு தொடர்புடைய கடிதத்தை பதிவிறக்கம் செய்வதற்கான வசதிகளும் வழங்கப்பட்டுள்ளன.

விண்ணப்பங்கள்

மேலும், இந்த ஆண்டு சாதாரண தர பரீட்சைக்கு, இன்னும் விண்ணப்பங்களைச் சமர்ப்பிக்காத விண்ணப்பதாரர்கள், அதிபர் அல்லது கிராம அலுவலரால் சான்றளிக்கப்பட்ட முறையாகப் பூர்த்தி செய்யப்பட்ட விண்ணப்பங்களைக் கொண்டு வர வேண்டும் என்று மேலும் தெரிவிக்கப்படுகிறது.

இந்த நிலையில், 2025 (2024) சாதாரண தரப் பரீட்சை மார்ச் 17 ஆம் திகதி நடைபெறவுள்ளமை குறிப்பிடத்தக்கது.