இயக்கச்சி பகுதியில் இருவர் கைது

வடமராட்சி கிழக்கு உடுத்துறையில் இருந்து கஞ்சாவுடன் பயணித்த இருவரை
நேற்று (25.09.2024) இயக்கச்சி ஆனையிறவில் வைத்து இராணுவத்தின்
உதவியுடன் பளை பொலிஸார் கைது செய்துள்ளனர்.

உடுத்துறை பகுதியில் மறைத்து வைக்கப்பட்டிருந்த 4.500 கிலோகிராம் கஞ்சாவுடன்
கொடுக்குளாய் சுனாமி வெளியேற்ற பாதையூடாக மோட்டார் சைக்கிளில் இரகசியமான
முறையில் பயணித்த இருவரையே  பொலிஸார் கைது செய்தனர்.

மேலதிக விசாரணை

கைது செய்யப்பட்டவர்களிடம் முன்னெடுத்த விசாரணைகளின் பின்னர் கடத்தலில்
ஈடுபட்டவர்கள் 18 மற்றும் 25 வயதுடைய கிளிநொச்சியை சேர்ந்தவர்கள் என பொலிஸார்
குறிப்பிட்டுள்ளனர்.

கைது செய்யப்பட்ட நபர்களை மேலதிக விசாரணைகளின் பின்னர் சட்ட
நடவடிக்கைக்காக நீதிமன்றில் முன்னிலைப்படுத்த பளை பொலிஸார் நடவடிக்கை
மேற்கொண்டுள்ளனர்.