உலகின் மிகச்சிறந்த நகரங்களின் தரவரிசையில் லண்டன் (London) தொடர்ந்து 10வது ஆண்டாக முதலிடம் பிடித்துள்ளது.
உலகின் சிறந்த நகரங்கள் 2025 பட்டியலை ரெசோனான்ஸ் கன்சல்டென்சி (Resonance Consultancy) மற்றும் இப்சோஸ்(Ipsos) இணைந்து வெளியிட்டுள்ளன.
31 நாடுகளில் 22,000 க்கும் மேற்பட்ட மக்களை ஆய்வு செய்வதன்
மூலம் இந்த கணிப்பு வெளியிடப்பட்டுள்ளது.
உலகின் சிறந்த நகரம்
உலகின் மிகப்பெரிய நகரங்களில் மக்கள் இன்னும் வாழ, மற்றும் வேலை செய்ய விரும்புகின்றனர் என இதன் முடிவில் தெரியவந்துள்ளது.
உலகின் சிறந்த நகரங்களின் இந்த பட்டியல், சுற்றுலா தளங்களை மட்டும் பார்க்காமல், 3 முக்கிய அம்சங்களை கருத்திற் கொண்டு வெளியிடப்பட்டுள்ளது.
அவற்றில் இயற்கை சூழல், கட்டமைப்பு வசதிகள் அத்துடன் கலாச்சாரம், உணவு மற்றும் இரவு வாழ்க்கை ஆகிய கணக்கில் கொள்ளப்பட்டுள்ளன.
மேலும் நகரத்தின் மனித மூலதனம் மற்றும் அதன் வளர்ச்சிக்கு கிடைக்கும் ஆதரவு ஆகியவையும் கருத்தில் கொள்ளப்பட்டதாக தெரிவிக்கப்பட்டுள்ளது.
முதலிடம்
அந்த வகையில் முதலிடம் பிடித்த லண்டன் நகரம் உண்மையான சிறந்த நகரமாக இருக்க வேண்டிய அளவுகோலை தொடர்ந்து நிர்ணயித்து வருகிறது என்று லண்டன் & பார்ட்னர்ஸ் நிறுவனத்தின் CEO லாரா சிட்ரான் தெரிவித்துள்ளார்.
நியூயார்க் மற்றும் பாரிஸ் ஆகிய நகரங்கள் முறையே இரண்டாவது மற்றும் மூன்றாவது இடத்தைப் பிடித்துள்ளன.
உலகின் சிறந்த 10 நகரங்கள்
2025
லண்டன் (யுகே), நியூயார்க் (அமெரிக்கா) மற்றும் பாரிஸ் (பிரான்ஸ்), டோக்கியோ (ஜப்பான்), சிங்கப்பூர், ரோம் (இத்தாலி), மாட்ரிட் (ஸ்பெயின்), பார்சிலோனா (ஸ்பெயின்), பெர்லின் (ஜெர்மனி) மற்றும் சிட்னி (அவுஸ்திரேலியா)
