உடல் நலக் குறைவு காரணமாக நேற்று (30) இரவு உயிரிழந்த மூத்த அரசியல்வாதியான இரா. சம்பந்தனின் மறைவுக்கு ஸ்ரீலங்கா பொதுஜன பெரமுனவின் தேசிய அமைப்பாளர் நாமல் ராஜபக்ச (Namal Rajapaksa) இரங்கல் தெரிவித்துள்ளார்.
தனது எக்ஸ் (X) பக்கத்தில் தனது இரங்கலை அவர் வெளியிட்டுள்ளார்.
நீடித்த பாரம்பரியம்
குறித்த பதிவில் அவர் மேலும் கூறியுள்ளதாவது, “தமிழ்த் தேசியக் கூட்டமைப்பின் நாடாளுமன்ற உறுப்பினரும் முன்னாள் எதிர்க்கட்சித் தலைவருமான ஆர்.சம்பந்தனின் மறைவுச் செய்தி கேட்டு ஆழ்ந்த கவலையடைகிறேன்.
அவரது கொள்கைகளுக்கான அவரது அசைக்க முடியாத அர்ப்பணிப்பு ஒரு நீடித்த பாரம்பரியத்தை விட்டுச்சென்றுள்ளது.
மேலும், இந்த இக்கட்டான நேரத்தில் அவரது குடும்பத்தினருக்கும் அன்புக்குரியவர்களுக்கும் எனது இரங்கலைத் தெரிவித்துக் கொள்கிறேன்” என குறிப்பிட்டுள்ளார்.
