யாழ். தென்மராட்சியில் முன்னெடுக்கப்பட்ட கையெழுத்துப் போராட்டம்

யாழ்ப்பாணம் – தென்மராட்சி பகுதியில் அரசியல் கைதிகளின் விடுதலையை வலியுறுத்தி கையெழுத்துப் போராட்டம் ஒன்று முன்னெடுக்கப்பட்டது.

போராளிகள் நலன்புரிச் சங்கத்தின் ஏற்பாட்டில் கொடிகாமத்தில் இன்று (09.01.2025) குறித்த கையெழுத்துப் போராட்டம் இடம்பெற்றது.

இதன்போது
பொதுமக்கள், சந்தை வியாபாரிகள் என பலரும் கலந்து கொண்டு தமது கையெழுத்துகளை பதிவு
செய்து வருகின்றனர்.

கையெழுத்துப் போராட்டம்

பயங்கரவாத தடை சட்டத்தின் கீழ் கைது செய்யப்பட்டு நீண்ட காலமாக தடுத்து வைக்கப்பட்டுள்ள அரசியல் கைதிகளையும், புனர்வாழ்வு அளிக்கப்பட்டு சமூகமயப்படுத்தப்பட்ட பின்னர் நீதிமன்றத்தினால் விடுதலை செய்யப்பட்ட பின்பு மீண்டும் கைது செய்யப்பட்டு தடுத்து வைக்கப்பட்டுள்ள போராளிகளையும், புதிய அரசாங்கம் விடுவிக்க வேண்டும் என வலியுறுத்தி இந்த போராட்டம் நடைபெற்றது.

கடந்த சில தினங்களாக வடக்குக் கிழக்கு பகுதிகளிலே முன்னெடுக்கப்படும் கையெழுத்துப் போராட்டம் இன்று தென்மராட்சி பகுதியில் முன்னெடுக்கப்பட்டு வருகின்றமை குறிப்பிடத்தக்கது.