வெங்காயத்தின் விலை சடுதியாக அதிகரிப்பு

நாட்டில் தற்போது வெங்காயத்தின் விலை சடுதியாக அதிகரித்துள்ளதாக தெரிவிக்கப்படுகிறது.

இதன்படி  ஒரு கிலோ இந்திய வெங்காயத்தின் விலை 500 முதல் 550 ரூபா வரை அதிகரித்துள்ளதாக கூறப்படுகிறது.

மேலும், பாகிஸ்தான் பெரிய வெங்காயம் மற்றும் ஏனைய பெரிய வெங்காயத்தின் விலை கிலோ ஒன்றுக்கு 400 முதல் 450 ரூபா வரை உயர்ந்துள்ளதாக தெரிவிக்கப்படுகிறது.

புறக்கோட்டை மொத்த விற்பனை

புறக்கோட்டை மொத்த விற்பனை சந்தையில் இந்திய வெங்காயம் கையிருப்புக்கு தட்டுப்பாடு ஏற்பட்டுள்ளதாகவும், ஒரு கிலோ வெங்காயத்தின் மொத்த விலை 400 ரூபாயாக உயர்ந்துள்ளதாகவும் வியாபாரிகள் தெரிவிக்கின்றனர்.

மேலும். தேங்காய் ஒன்றின் விலை 180 முதல் 230 ரூபா வரை அதிகரித்துள்ளமையும் குறிப்பிடத்தக்கது.