யாழ்.வடமராட்சி கிழக்கு பகுதியில் கரையொதுங்கிய இனம்தெரியாத படகு

யாழ்ப்பாணம் (Jaffna) வடமராட்சி கிழக்கு, உடுத்துறை ஐந்தாம் பனையடி கடற்கரை பகுதியில் படகு ஒன்று
இன்று காலை (23.12.2024) கரையொதுங்கியுள்ளது.

OFRP-6224JFN என்னும் இலக்கமுடைய படகு ஆட்கள் யாருமற்று கடலில் மிதந்து வந்து
கரையொதுங்கியுள்ளதால் அப்பகுதி மக்கள் அதிகாரிகளுக்கு உடன் தகவல் கொடுத்துள்ளனர்.

பொலிஸார் சந்தேகம்

இதனடிப்படையில் சம்பவ இடத்திற்கு வருகை தந்த வடமராட்சி கிழக்கு கடற்தொழிலாளர்
சங்க சமாச தலைவர் மற்றும் பொலிஸார் படகை பார்வையிட்டதுடன் நீரியல்வளத்
திணைக்கள அதிகாரிகளுக்கும் தெரியப்படுத்தியுள்ளனர்.

இயந்திரமற்று ஆழ்கடலில் இருந்து வருகை தந்து கரையொதுங்கிய இலங்கை நாட்டிற்கு
சொந்தமான குறித்த படகை கடத்தல்காரர்கள் கையாண்டிருக்கலாமென பொலிஸார்
சந்தேகிப்பதுடன் மேலதிக விசாரணைகளையும் மேற்கொண்டு வருகின்றனர்.