அமெரிக்க சுங்கவரியை குறைக்க உதவிய இலங்கையின் முக்கிய நடவடிக்கை

இலங்கை ஏற்றுமதிகள் மீதான அமெரிக்க சுங்கவரியை குறைக்க கட்டாய உழைப்பு
ஒழிப்புத் திட்டமே உதவியதாக விவசாய பிரதி அமைச்சர் மகிந்த ஜெயசிங்க
தெரிவித்துள்ளார்.

​

இலங்கையில் கட்டாய உழைப்பை ஒழிக்கும் திட்டம் காரணமாக, இலங்கை ஏற்றுமதிகள்
மீதான அமெரிக்க வரிகள் 12.5% இலிருந்து 10% ஆகக் குறைக்கப்பட்டுள்ளன எனவும் குறிப்பிட்டுள்ளார்.

ஐ.நாவின் அபிவிருத்தி இலக்கு

இந்த நிலையில் ​ நாட்டின் சில தோட்டப் பகுதிகளில் இன்னமும் கட்டாய உழைப்பு
பயன்படுத்தப்படுவதாகச் சுட்டிக்காட்டிய பிரதி அமைச்சர், அதை முழுமையாக ஒழிக்க
அனைவரும் ஒருங்கிணைந்து செயல்பட வேண்டும் என அவர் கேட்டுக்கொண்டுள்ளார்.

​அத்துடன் 2030ஆம் ஆண்டிற்குள் 36 பில்லியன் அமெரிக்க டொலர் ஏற்றுமதி
வருமானத்தை அடைவதையும், ஐ.நா-வின் நிலையான அபிவிருத்தி இலக்குகளை எட்டுவதையும்
இலங்கை நோக்கமாகக் கொண்டுள்ளதாகவும் தெரிவித்துள்ளார்.

​

இதனால் இலங்கை தற்போது ஐ.நா. ‘கூட்டணி 8.7’ (Alliance 8.7) உலகளாவிய
அமைப்பின் துணைத் தலைமைப் வகிப்பதால், குழந்தை உழைப்பு, நவீன அடிமைத்தனம்
மற்றும் கட்டாய உழைப்பை ஒழிப்பது இன்றியமையாதது எனக் குறிப்பிடப்பட்டுள்ளது.

​

மேலும் பெந்தர-எல்பிட்டிய பகுதியில் நடைபெற்ற பயிலரங்கில் சர்வதேச தொழிலாளர்
அமைப்பின்(ILO) பிரதிநிதி ஜானி சிம்ப்சன் மற்றும் தொழிலாளர் அமைச்சகத்தின்
உயர் அதிகாரிகள் பலரும் இதில் பங்கேற்றுள்ளனர்.