அதிபர் தேர்தலில் ரணிலுக்கு 95 இலட்சம் வாக்குகள்: ரவி கருணாநாயக்க நம்பிக்கை

சிறிலங்கா (Sri Lanka) அதிபர் தேர்தலில் கட்சி சார்பற்ற, தேசிய மற்றும் பொது வேட்பாளராக ரணில் விக்ரமசிங்க (Ranil Wickremesinghe) சுமார் 95 இலட்சம் வாக்குகளைப் பெறுவார் என ஐக்கிய தேசியக் கட்சியின் தேசிய செயலாளர் ரவி கருணாநாயக்க (Ravi Karunanayake) நம்பிக்கை வெளியிட்டுள்ளார்.

இதேவேளை ஐக்கிய தேசியக் கட்சியில் இணையும் சக்தி வாய்ந்த கூட்டணி இன்னும் இரண்டு வாரங்களில் ஆரம்பமாகும் என அவர் மேலும் தெரிவித்துள்ளார்.

கொழும்பில் (Colombo) நடைபெற்ற விசேட செய்தியாளர் மாநாட்டில் அவர் இதனைக் குறிப்பிட்டார். 

இலங்கையின் பொருளாதாரம்

அங்கு தொடர்ந்தும் கருத்து தெரிவித்த அவர், ஐக்கிய தேசியக் கட்சியின் தலைவர் ரணில் விக்ரமசிங்க பிரதான கட்சியின் செயற்குழுவில் கட்சியின் தேசிய செயலாளராக என்னை நியமித்தார். ஐக்கிய தேசியக் கட்சி புத்துயிர் பெற்று நாட்டு மக்களின் நலனுக்காக கட்சியை எழுப்ப வேண்டும்.

பொருளாதார மாற்ற சட்டமூலத்தை முன்வைத்ததன் மூலம் இலங்கையின் பொருளாதாரத்தை சரியான பாதையில் கொண்டு செல்வதற்கான முதல் படியை அதிபர் எடுத்துள்ளார்.

இந்த சட்டமூலம் நாட்டு மக்களுக்கு சாதகமான சட்டமூலம் என்றே கூற வேண்டும். இதன் மூலம் கடனின் அளவும் வாழ்க்கைச் செலவும் மட்டுப்படுத்தப்படும்.

எதிர்க்கட்சிகள் செய்வது அதிபரை விமர்சித்து பலிகடாக்களை உருவாக்குவதுதான்.

எனினும் நாட்டைக் கட்டியெழுப்பும் விடயங்கள் தொடர்பான விவாதங்களுக்கு அவர்கள் தயாராக இல்லை, வாதங்களைத் தவிர்த்தல், விவாதத்திற்கு வர பயப்படுவது ஏன் என்று கேள்வி எழுப்புகிறோம்.

அதிபர் தேர்தல் 

விவாதங்களுக்கு பயந்து ஒளிந்து கொள்வது ஏன்? அவர் திறமையற்றவர் என்பதால் விவாதத்தில் இருந்து ஓடிவிட்டார். இந்த விவாதத்திற்கு ரணில் விக்கிரமசிங்க அழைக்கப்பட வேண்டும் என்று நான் கூறுகின்றேன்.

நாடாளுமன்றம் கலைக்கப்படுகிறது என்று கூறுவது பொய் என்றே கூற வேண்டும். நாட்டை திவால் நிலையில் இருந்து காப்பாற்றும் திறன் எங்களிடம் உள்ளது.

நாங்கள் அனைவரும் ஒன்று கூடி அதிபர் தேர்தலுக்கான கட்சி சார்பற்ற வேட்பாளராக ரணில் விக்ரமசிங்கவை முன்வைப்போம். ஐக்கிய தேசியக் கட்சியின் அனைத்து வாக்குகளும் செயற்படுத்தப்பட்டுள்ளன.

இதன்படி அதிபர் தேர்தலில் சுமார் 95 இலட்சம் வாக்குகளைப் பெறும் திறன் ரணில் விக்ரமசிங்கவுக்கு உள்ளது.“ என தெரிவித்தார்.