மட்டக்களப்பில் ஆடுகளை மிருகவதை செய்த குற்றச்சாட்டில் ஒருவர் கைது

மட்டக்களப்பு(Batticaloa) – ஏறாவூரில் சிறிய மரப்பெட்டி ஒன்றில் 3 ஆடுகளை அடைத்து வைத்து
மோட்டர் சைக்கிள் ஒன்றில் எடுத்துச் சென்ற ஒருவரை மிருகவதை குற்றச்சாட்டில் பொலிஸார் கைது செய்துள்ளனர்.

குறித்த கைது நடவடிக்கையானது பொலிஸாருக்கு கிடைத்த தகவல் ஒன்றையடுத்து இன்று (10.06.2024) இடம்பெற்றுள்ளது.

கைது நடவடிக்கை

செங்கலடியில் இறைச்சிக்காக 3 ஆடுகளை
வாங்கி அதனை மரப்பெட்டி ஒன்றில் கட்டி அடைத்துக் கொண்டு மோட்டர் சைக்கிள்
ஒன்றில் ஏறாவூருக்கு பயணித்த நிலையில் பொலிஸார் சந்தேக நபரின் மோட்டர்சைக்கிளை நிறுத்தி சோதனையிட்டுள்ளனர்.

சம்பவத்தில், ஏறாவூரைச் சேர்ந்த 55 வயதுடைய நபர் ஒருவர் கைது செய்யப்பட்டுள்ளதுடன் 3 ஆடுகளையும் சந்தேகநபர் பயணித்த
மோட்டர் சைக்கிள் ஒன்றையும் பொலிஸார் மீட்டுள்ளனர்.

மேலும், கைது செய்யப்பட்ட சந்தேக நபரை நீதிமன்றில் முன்னிலைப்படுத்த நடவடிக்கை எடுத்துள்ளதாக
பொலிஸார் தெரிவித்துள்ளனர்.