அமரன்
2024ஆம் ஆண்டின் மாபெரும் வெற்றிப்படமாக மாறியுள்ள சிவகார்த்திகேயனின் அமரன் படத்தின், 27 நாட்கள் வசூல் குறித்து தகவல் வெளியாகியுள்ளது. அதை பற்றி பார்க்கலாம் வாங்க.
தமிழ் சினிமாவில் முன்னணி ஹீரோவாக இருக்கிறார் சிவகார்த்திகேயன். இவர் நடிப்பில் சமீபத்தில் வெளிவந்து வசூல் சாதனை படைத்த திரைப்படம் அமரன். இயக்குனர் ராஜ்குமார் பெரியசாமி இயக்கத்தில் உருவான இப்படத்தை உலகநாயகன் கமல் ஹாசனின் ராஜ்கமல் நிறுவனம் தயாரித்து இருந்தது.
நான் அவர்களை பழிவாங்குகிறேனா, எனது வாழ்க்கை.. முன்னாள் கணவர் குறித்து சமந்தா
இப்படத்தில் சிவகார்த்திகேயனுடன் முதல் முறையாக சாய் பல்லவி இணைந்து நடித்திருந்தார். மேஜர் முகுந்த் வரதராஜனின் வாழ்க்கையை மையமாக வைத்து தான் இப்படத்தை எடுத்துள்ளனர். தமிழக முதல்வர் ஸ்டாலின், சூப்பர்ஸ்டார் ரஜினிகாந்த், நாம் தமிழர் கட்சியின் ஒருங்கிணைப்பாளர் சீமான் ஆகியோர் படக்குழுவினரை பாராட்டினார்கள்.
மேலும் நேற்று இயக்குனர் ராஜ்குமார் பெரியசாமியை நேரில் சந்தித்து தனது பாராட்டுகளை தளபதி விஜய் தெரிவித்துள்ளார். அப்போது எடுக்கப்பட்ட புகைப்படத்தை இயக்குனர் ராஜ்குமார் பெரியசாமி தனது எக்ஸ் தளத்தில் பதிவு செய்திருந்தார்.
வசூல் விவரம்
விரைவில் அமரன் படத்தின் வெற்றியை பிரம்மாண்டமாக படக்குழு கொண்டாடவுள்ளனர். 27 நாட்களை கடந்து வெற்றிகரமாக ஓடிக்கொண்டிருக்கும் அமரன் திரைப்படம் இதுவரை உலகளவில் செய்துள்ள வசூல் குறித்து தகவல் வெளியாகியுள்ளது. அதன்படி, இப்படம் உலகளவில் 27 நாட்களில் ரூ. 320 கோடிக்கும் மேல் வசூல் செய்துள்ளது.
