மித்தெனியவில் மீட்கப்பட்ட ஐஸ் போதைப்பொருள் தயாரிக்கப் பயன்படுத்தப்பட்டதாக சந்தேகிக்கப்படும் மற்றொரு இரசாயனப் பொருளை காவல்துறையினர் கண்டுபிடித்துள்ளனர்.
அதன்படி, கந்தானை பகுதியில் உள்ள வீடொன்றில் இருந்து குறித்த இரசாயனப் பொருட்களை காவல்துறையினர் மீட்டுள்ளனர்
இந்த இரசாயனப் பொருள் செப்டெம்பர் 6 ஆம் திகதி தலாவ, மித்தெனியவில் உள்ள ஒரு இடத்தின் மீது நடத்தப்பட்ட சோதனையின் போது கண்டுபிடிக்கப்பட்ட இரசாயனப் பொருட்களுடன் மிகவும் ஒத்திருப்பதாகவும், அவை ஐஸ் உற்பத்தியிலும் பயன்படுத்தப்பட்டதாக நம்பப்படுவதாகவும் தெரிவிக்கப்பட்டுள்ளது.
இரசாயனப் பொருட்கள்
குறித்த இரசாயனப் பொருட்கள் சுமார் நான்கு மாதங்களுக்கு முன்பு கொண்டு வரப்பட்டு அந்த இடத்தில் விடப்பட்டிருக்கலாம் என்று காவல்துறையினர் தெரிவித்தனர்.
கண்டுபிடிக்கப்பட்ட இரசாயனப் பொருட்கள் மேலதிக விசாரணைக்காக தங்காலை காவல் நிலையத்திற்கு எடுத்துச் செல்லப்பட உள்ளதாகவும் குறிப்பிடப்படுகின்றது.
இதற்கிடையில், ஐஸ் தயாரிப்பில் பயன்படுத்தப்பட்டதாக சந்தேகிக்கப்படும் மற்றொரு இரசாயனப் பொருள் நேற்று (07) காலை தங்காலை, நெத்தோல்பிட்டியவில் உள்ள ஒரு வீட்டில் கண்டுபிடிக்கப்பட்டது.
பிரதேச மக்களிடமிருந்து கிடைத்த தகவலின் அடிப்படையில், தங்காலை காவல்துறை அதிகாரிகள் நெத்தோல்பிட்டியவில் உள்ள வெலிவென்ன குறுக்கு வீதியை ஒட்டியுள்ள ஒரு இடத்தில் விசேட சோதனை நடத்தியபோது, ஒரு அளவு வெள்ளை இரசாயனப் பொருட்கள் கண்டுபிடிக்கப்பட்டன.
இந்தப் பொருட்கள் ஐஸ் எனப்படும் போதைப்பொருளின் உற்பத்தியில் பயன்படுத்தப்படும் இரசாயனங்களாக இருக்கலாம் என்று சந்தேகிக்கப்படுவதாக காவல்துறை அதிகாரிகள் தெரிவித்தமை குறிப்பிடத்தக்கது.
https://www.youtube.com/embed/49oJAuu56wo
