மகிந்த ராஜபக்சவின் (Mahinda Rajapaksa) காலத்தில் சல்மான் கானை இலங்கைக்கு அழைத்து வந்தது போன்று ரணில் விக்ரமசிங்கவும் (Ranil Wickremesinghe) எலோன் மஸ்க்கை இலங்கைக்கு அழைத்து வர முயற்சிக்கிறார் என தேசிய மக்கள் சக்தியின் செயற்குழு உறுப்பினர் சுனில் ஹந்துன்நெத்தி (Sunil Handunnetti )தெரிவித்துள்ளார்.
ஊடகமொன்றுக்கு வழங்கிய நேர்காணல் ஒன்றின் போதே அவர் இவ்வாறு குறிப்பிட்டுள்ளார்.
எலோன் மஸ்க் (Elon Musk) போன்ற பத்து பேரை இலங்கைக்கு அழைத்து வர அரசாங்கம் ஏற்கனவே தயாராகி வருவதாகவும் அவர் கூறியுள்ளார்.
முதலீடு
அத்துடன், பழைய பழக்கவழக்கங்களைக் கொண்ட நாடுகளிடம் இருந்து முதலீடுகளை இலங்கை எதிர்பார்ப்பதாகத் தெரிவித்த அவர், தென்னாபிரிக்க பிராந்தியத்தை ஆராயப்படாத முதலீட்டுப் பிரதேசமாக தாம் அடையாளப்படுத்தியுள்ளதாகத் தெரிவித்துள்ளார்.
இதேவேளை, அண்மையில் எலான் மஸ்க் தொடர்பில் தவறான வார்த்தை பிரயோகம் பயன்படுத்தப்பட்டதாக சுனில் ஹந்துன்நெத்தி மன்னிப்பு கோரியிருந்தமை குறிப்பிடத்தக்கது.
