விக்னேஸ்வரன் கூட்டணியில் குழப்பம் – இழுபறியில் வெளியான வேட்பாளர் பட்டியல்

நாடாளுமன்றத் தேர்தலில் யாழ்ப்பாணம் (jaffna) மாவட்டத்தில் தமிழ் மக்கள் கூட்டணியின்
சார்பில் போட்டியிடும் வேட்பாளர்களின் விவரம் இறுதியாகியுள்ளது.

சி.வி. விக்னேஸ்வரன் (C.V. Vigneswaran) தலைமையிலான தமிழ் மக்கள் கூட்டணிக்குள் அண்மையில்
குழப்பங்கள் ஏற்பட்டிருந்தன.

கட்சியில் வி. மணிவண்ணனுக்கு முன்னுரிமையளிப்பதாகத்
தெரிவித்து அந்தக் கட்சியின் மூத்தவர்கள் பலர் அதிருப்தியடைந்து, கட்சி
செயற்பாட்டிலிருந்து ஒதுங்கி விட்டனர்.

மணிவண்ணன் தரப்பு வேட்பாளர்

இதைத் தொடர்ந்து வி.மணிவண்ணன் தரப்பே வேட்பாளர்களைக் களமிறக்கியுள்ளது.

அந்தவகையில், கட்சியின் வேட்பாளர் பட்டியலில் வி.மணிவண்ணன், வ.பார்த்தீபன், செல்டன் (யாழ்
மத்திய கல்லூரி கிரிக்கெட் பயிற்சியாளர்), சிற்பரன், ஜெனிட்டன் (கோப்பாய் –
விளையாட்டு உத்தியோகத்தர்)

உமாகரன் இராசையா, மிதிலைச்செல்வி (முன்னாள்
தமிழரசுக் கட்சி மகளிர் அணி உறுப்பினர்), கோகிலவாணி (கிளிநொச்சி),
சாவகச்சேரியைச் சேர்ந்த தனியார் நிறுவனமொன்றின் பிராந்திய முகாமையாளர் ஆகியோர்
போட்டியிடுகின்றனர்.