சம்மாந்துறையில் குடியிருப்பு பகுதிகளை தாக்கிய யானை

அம்பாறை மாவட்டம் சம்மாந்துறை பகுதியில் தனியன் யானை ஒன்று திடீரென உட்புகுந்து மக்களின்
குடியிருப்புக்களை தாக்கி சேதப்படுத்தியுள்ளது.

குறித்த சம்பவம் இன்று (09) காலை இடம்பெற்றுள்ளதுடன், சம்மாந்துறை தமிழ் பிரிவு 4 – குவாசி நீதிமன்றத்திற்கு முன்னால் உள்ள வீட்டு காணிகளிலேயே சேதத்தை ஏற்படுத்தியுள்ளது.

 சம்பந்தப்பட்ட அதிகாரிகள் 

கடந்த 2 தினங்களாக தனியன் யானை ஒன்று சம்மாந்துறை நூலகம், குவாஸி நீதிமன்ற
பகுதிகளில் அட்டகாசம் செய்து சேதங்களை விளைவித்து வருவதாக பொதுமக்கள்
குற்றம் சாட்டை முன்வைத்துள்ளனர்.

இந்நிலையில், சம்பந்தம்பட்ட அதிகாரிகள் இந்த விடயத்தில்
நடவடிக்கை எடுக்க வேண்டும் என பொதுமக்கள் வேண்டுகோள் விடுத்துள்ளனர்.