தமிழரசுக் கட்சி எம்.பிக்களை சந்தித்த ஹரி ஆனந்தசங்கரி

கனடாவின் முடிக்குரிய பூர்வீகக் குடிகள், வடக்கு விவகாரங்கள் மற்றும் வடக்கு
பொருளாதார அபிவிருத்தி நிறுவனங்களுக்கான அலுவல்கள் அமைச்சர் ஹரி
ஆனந்தசங்கரிக்கும் (Gary Anandasangaree) இலங்கைத் தமிழரசுக் கட்சியின் நாடாளுமன்ற
உறுப்பினர்களுக்கும் இடையில் கலந்துரையாடலொன்று இடம்பெற்றுள்ளது.

குறித்த கலந்துரையாடலானது நேற்று (11) மாலை கொழும்பு- பம்பலப்பிட்டியில் அமைந்துள்ள தனியார் விருந்தினர் விடுதியொன்றில் நடைபெற்றுள்ளது.

கலந்துரையாடல்

இதில் இலங்கைத் தமிழரசுக் கட்சியின் நாடாளுமன்ற உறுப்பினர்களான துரைராசா
ரவிகரன், பத்மநாதன் சத்தியலிங்கம், சண்முகம் குகதாசன், ஞானமுத்து ஸ்ரீநேசன்,
இளையதம்பி ஸ்ரீநாத் ஆகியோர் பங்கேற்றிருந்தனர்.

மேலும், அண்மையில் கனடாவிற்கு விஜயம் மேற்கொண்டிருந்த சிறீதரன் (S. Sridharan), அமைச்சர் ஹரி ஆனந்த சங்கரியை சந்தித்திருந்தமை குறிப்பிடத்தக்கது.