சுமார் 18 கோடி பெறுமதியான தங்க ஜெல் உருண்டைகளை தயாரித்து மலக்குடல் மற்றும் பயணப் பொதிகளில் மறைத்துக்கொண்டு கட்டுநாயக்க விமான நிலையத்திற்கு வந்த 06 இலங்கையர்கள் விமான நிலைய சுங்க அதிகாரிகளால் கைது செய்யப்பட்டுள்ளனர்.
கல்முனை, மூதூர், கொழும்பு-10, கல்கெடிஹேன் மற்றும் மினுவாங்கொடை ஆகிய இடங்களில் வசிக்கும் 30 வயதுக்கும் 50 வயதுக்கும் இடைப்பட்ட ஆறு பேர் அடிக்கடி விமானத்தில் பயணிக்கின்றனர்.
துபாயிலிருந்து இந்தியாவின் சென்னைக்கு வந்த அவர்கள் நேற்று மதியம் 01.20 மணியளவில் இண்டிகோ ஏர்லைன்ஸ் விமானம் 6E-1175 மூலம் கட்டுநாயக்கா விமான நிலையத்தை வந்தடைந்துள்ளனர்.
மேலதிக விசாரணை
அதன் போது, அவர்களில் 4 பேர் மலக்குடலில் தங்க ஜெல் உருண்டைகளை மறைத்து வைத்திருந்ததாகவும், மேலும் இருவர் 08 கிலோ 632 கிராம் எடையுள்ள தங்க ஜெல் உருண்டைகளை பையில் மறைத்து வைத்திருப்பதும் தெரியவந்துள்ளது.
அதனை தொடர்ந்து, சந்தேகநபர்கள் கைது செய்யப்பட்டு மேலதிக விசாரணைகள் மேற்கொள்ளப்பட்டு வருகிறது.
