குட் பேட் அக்லி
2025ம் ஆண்டில் இதுவரை தமிழ் சினிமாவில் வெளிவந்த திரைப்படங்களில் அதிக வசூலை செய்துள்ளது குட் பேட் அக்லி.
விடாமுயற்சி படத்தை தொடர்ந்து அஜித்தின் நடிப்பில் இந்த ஆண்டு வெளிவந்த இரண்டாவது திரைப்படமாகும் GBU. இப்படத்தை அஜித்தின் ஃபேன் பாய் இயக்குநர் ஆதிக் ரவிச்சந்திரன் இயக்கியிருந்தார்.
அஜித் ரசிகர்களால் முதல் நாளில் இருந்தே இப்படம் கொண்டாடப்பட்டு வருகிறது. இது ஒரு தரமான ஃபேன் பாய் சம்பவம் என அனைவரும் கூறி வந்தனர். மறுபக்கம் கலவையான விமர்சனங்களும் கூறப்பட்டது என்பது குறிப்பிடத்தக்கது.
வசூல் விவரம்
இந்த நிலையில் 11 நாட்களை கடந்திருக்கும் இப்படம், உலகளவில் இதுவரை செய்துள்ள வசூல் குறித்து தகவல் வெளியாகியுள்ளது. அதன்படி, இப்படம் உலகளவில் 11 நாட்களில் ரூ. 240 கோடி வசூல் செய்துள்ளது.
Source: https://cineulagam.com/article/good-bad-ugly-11-days-box-office-1745205498
