ஹட்டன் பேருந்து விபத்துடன் தொடர்புடைய சாரதிக்கு விளக்கமறியல்!

புதிய இணைப்பு 

ஹட்டன் – மல்லியப்பு பகுதியில் நேற்று இடம்பெற்ற விபத்துடன் தொடர்புடைய பேருந்தின் சாரதியை எதிர்வரும் 26 ஆம் திகதி வரை விளக்கமறியலில் வைக்குமாறு ஹட்டன் நீதவான் நீதிமன்றம் உத்தரவிட்டுள்ளது.

பேருந்தின் சாரதி தொடர்ந்தும் வைத்தியசாலையில் சிகிச்சை பெற்றுவருவம் நிலையில் குறித்த வைத்தியசாலைக்கு சென்று விசாரணைகளை முன்னெடுத்த ஹட்டன் பதில் நீதவான் எஸ்.ராமமூர்த்தி, சந்தேகநபரான சாரதியின் உடல்நிலை குறித்து ஆராய்ந்த பின்னர், அவரை எதிர்வரும் 26 ஆம் திகதிவரை விளக்கமறியலில் வைக்குமாறு உத்தரவிட்டார்.

குறித்த சாரதி நாவலப்பிட்டி- திஸ்பனை பகுதியை சேர்ந்த 46 வயதுடையவர் என காவல்துறை தெரிவித்துள்ளது.

இதேவேளை, குறித்த சாரதி கடந்த சில மாதங்களுக்கு முன்னதாக, கினிகத்ஹேன பகுதியில் ஏற்படுத்திய விபத்தில் ஒருவர் உயிரிழந்துள்ளமை குறிப்பிடத்தக்கது.

இண்டாம் இணைப்பு

ஹட்டன்(Hatton) – மல்லியப்பு பகுதியில் பேருந்து ஒன்று வீதியை விட்டு விலகி பள்ளத்தில் வீழ்ந்து விபத்துக்குள்ளானதில் மூவர் உயிரிழந்துள்ளனர்.

விபத்தில் 5 வயது மதிக்கதக்க சிறுவன் ஒருவனும், வயோதிபர்கள் இருவரும் (ஆண்
ஒருவரும் – பெண் ஒருவரும்) மொத்தமாக மூவர் உயிரிழந்துள்ளதாக வைத்தியசாலை
வட்டாரங்கள் தெரிவித்துள்ளன.

அத்துடன், பேருந்தில் சுமார் 54 பயணிகள் வரை பயணித்த நிலையில், 40 பேர் வரை வைத்தியசாலையில் அனுமதிக்கப்பட்டுள்ளதாக தெரிவிக்கப்படுகின்றது.

மேலும், 
விபத்தில் காயமடைந்தவர்களின் சிலரின் நிலைமை கவலைக்கிடமாக இருப்பதாக வைத்தியசாலை வட்டாரங்கள்  தெரிவிக்கின்றன.

முதலாம் இணைப்பு

ஹட்டன்(Hatton) – மல்லியப்பு பகுதியில் பேருந்து ஒன்று வீதியை விட்டு விலகி பள்ளத்தில் வீழ்ந்து விபத்துக்குள்ளாகியுள்ளது.

குறித்த விபத்து இன்று(21.12.2024) காலை இடம்பெற்றுள்ளது.

ஹட்டனில் இருந்து கண்டி நோக்கிப் பயணித்த தனியார் பேருந்து ஒன்றே இவ்வாறு விபத்துக்குள்ளாகியுள்ளது.

விபத்துச் சம்பவம்

இதன்போது, பேருந்தில் சுமார் 54 பயணிகள் பயணித்த நிலையில் 40 பேர் வரை காயமடைந்துள்ளதாக தெரிவிக்கப்படுகின்றது.

இந்நிலையில், காயமடைந்தவர்கள் டிக்கோயா ஆதார வைத்தியசாலைக்கும் வட்டவளை பிரதேச வைத்தியசாலைக்கும் கொண்டு செல்லப்பட்டுள்ளனர்.

மேலும், இந்த விபத்து தொடர்பில் ஹட்டன் காவல்துறையினர் மேலதிக விசாரணைகளை மேற்கொண்டு
வருகின்றனர்.