ஜி.எல். பீரிஸிடம் தமிழர் தரப்பு முன்வைத்துள்ள கோரிக்கை

உயிர்த்த ஞாயிறு தாக்குதலுக்கு சர்வதேச விசாரணையைக் கோரும் ஜி.எல். பீரிஸ் தமிழ்
மக்களுக்கும் சர்வதேச உதவியுடன் நீதியைப் பெற்றுக் கொடுக்க முன்வர வேண்டும்
எனமுன்னாள் வடமாகாகண கல்வி அமைச்சர் கலாநிதி க.சர்வேஸ்வரன் கூறியுள்ளார்.

உயிர்த்த ஞாயிறு தாக்குதல் விசாரணைக்கு ‘சர்வதேச ஒத்துழைப்பும் கண்காணிப்பும் அவசியம்’
என்ற பீரிஸ் அவர்களின் கருத்தை மகிழ்வுடன் வரவேற்பதாகவும் அவர் தெரிவித்துள்ளார்.

யாழ் ஊடக அமையத்தில் இன்று நடைபெற்ற ஊடக சந்திப்பின் போது மேலும் கருத்து தெரிவித்த அவர், 

உள்ளக விசாரணை

உயிர்த்த ஞாயிறு குண்டுத் தாக்குதல்கள் தொடர்பில் உள்ளக விசாரணைகள் மீது
கத்தோலிக்க மக்களுக்கோ நாட்டின் ஏனைய மக்களுக்கோ நம்பிக்கை கிடையாது.

விசாரணைகளுக்கு சர்வதேச ஒத்துழைப்பும் சர்வதேச தரப்பின் கண்காணிப்பும்
பெற்றுக் கொள்ளப்பட வேண்டும்.

சர்வதேச ஒத்துழைப்புடன்விசாரணைக்கான விசேட
பொறிமுறை ஸ்தாபிக்கப்பட வேண்டும். விசாரணை பூரணமாக அமைய வேண்டும்.

சர்வதேச ஒத்துழைப்பைப் பெற்றுக்கொள்வது ஒன்றும் புதிதல்ல. முன்னர் உதலாகம
ஆணைக்குழு விசாரணைகளில் இந்தியாவின் ஒத்துழைப்பு பெற்றுக்கொள்ளப்பட்டது. ” என்றார்.