மலையகத்தை பிரநிநிதித்துவப்படுத்துமா தமிழரசின் தேசிய பட்டியல்! முன்வைக்கப்பட்ட கோரிக்கை

இலங்கை தமிழரசுக் கட்சிக்கு நாடாளுமன்ற தேர்தலில் கிடைத்த தேசியப் பட்டியல்
ஆசனத்தை வடக்கில் வாழும் மலையக மக்களை பிரதிநிதித்துவப்படுத்தி வழங்குமாறு
கோரிக்கை முன்வைக்கப்பட்டுள்ளது.

இலங்கை தமிழரசுக் கட்சியின் பதில் பொதுச் செயலாளர் வைத்தியர் ப.சத்தியலிங்கம்
அவர்களிடம் கடிதம் மூலம் இந்தக் கோரிக்கை முன்னாள் வடமாகாண சபை உறுப்பினர்
எம்.பி.நடராஜ் முன்வைத்துள்ளது.

அத்துடன், அதன் பிரதிகள் இலங்கை தமிழரசுக்
கட்சி தலைவர் மாவை சேனாதிராஜா, நாடாளுமன்ற உறுப்பினர் சி.சிறிதரன் மற்றும்
முன்னாள் நாடாளுமன்ற உறுப்பினர் எம்.ஏ.சுமந்திரன் ஆகியோருக்கும் அனுப்பி
வைக்கப்பட்டுள்ளது.

வடமாகாண சபை தேர்தல்

குறித்த கடிதத்தில்,

எம்.பி.நடராஜ் ஆகிய நான் இலங்கை தமிழரசுக் கட்சியில்
அங்கத்துவம் பெற்ற உறுப்பினர். 1995 ஆம் ஆண்டு முதல் இக்கட்சியுடன் இணைந்து
பயணித்துள்ளேன்.

2013 ஆம் ஆண்டு வடமாகாண சபை தேர்தலில் போட்டியிட்டு 10,800
வாக்குளைப் பெற்றதுடன் சுழற்சி முறை உறுப்பினராகவும் பதவி வகித்தேன். 2023 ஆம்
ஆண்டு உள்ளூராட்சி தேர்தலில் மூன்று முறிப்பு வட்டாரத்தில் போட்டியிட்டேன். ஆனால் தேர்தல் நடைபெறவில்லை.

தேசியப் பட்டியல் ஆசனம்

கடந்த காலங்களில் வடக்கு மலையக மக்கள் சார்பாக ஒத்துழைப்புடனும், விட்டுக்
கொடுப்புக்களுடனும் செயற்பட்டேன். இந்நிலையில் வடக்கு பகுதியில் வாழும் 2 இலட்சம் மலையக மக்கள் சார்பாக தமிழரசுக் கட்சிக்கு கிடைத்த தேசியப் பட்டியல்
ஆசனத்தை தனக்கு வழங்குமாறும் அவர் கோரியுள்ளார்.

மேலும், தேசியப் பட்டியலில் தனது பெயரும் உள்ளடக்கப்பட்டுள்ளதாகவும் தெரிவிக்கப்பட்டுள்ளது.