மழையோடு சேர்த்து கண்ணீரிலும் நனைகிறது கோப்பாய் துயிலுமில்லம்..

தமிழர் தாயக பகுதிகள் எங்கும் உணர்வு பூர்வமாக மாவீரர்களுக்கு அஞ்சலி செலுத்தப்பட்டு வருகின்றது. 

உரிமை கோரிய யுத்தத்தில் உயிர் நீத்த தம் உறவுகளை நினைந்து ஈகை சுடரேற்றி,  மலர் தூவி கண்ணீர் மல்க அஞ்சலி செலுத்தி வருகின்றனர்.

இந்த நிலையில் யாழ். கோப்பாய் துயிலும் இல்லத்திலும் பெருமளவான மக்கள் ஒன்று திரண்டு தமது உறவுகளை நினைத்து உணர்வு பூர்வமாக அஞ்சலி செலுத்தி வருகின்றனர்.

நிலவும் சீரற்ற காலநிலை காரணமாக, நாட்டின் பல பகுதிகளில் மக்களின் இயல்பு வாழ்க்கை பாதிக்கப்பட்டுள்ள போதிலும், கடும் மழைக்கு மத்தியிலும் அதிகளவான மக்கள் ஒன்று திரண்டு கண்ணீர் மல்க இதன்போது தமது உறவுகளை அஞ்சலித்துள்ளனர்.