அம்பாறையில் போதைப்பொருளுடன் ஒருவர் கைது

அம்பாறை (Ampara) – நிந்தவூர் பொலிஸ்
பிரிவிற்குட்பட்ட கடற்கரை பகுதியில் ஐஸ் போதைப் பொருளுடன் இளைஞன் ஒருவர் கைது செய்யப்பட்டுள்ளார். 

இக்கைது நடவடிக்கை, நேற்று (28) இரவு களுவாஞ்சிக்குடி விசேட அதிரடிப் படையினரால் முன்னெடுக்கப்பட்டுள்ளது. 

களுவாஞ்சிக்குடி விசேட அதிரடிப்படையினருக்கு
கிடைக்கப்பெற்ற இரகசியத் தகவலின் அடிப்படையில் மேற்கொள்ளப்பட்ட சோதனை
நடவடிக்கைகளின் போது நிந்தவூர் 07 பகுதியைச் சேர்ந்த 25 வயது மதிக்கத்தக்க குறித்த சந்தேக நபர் கைது செய்யப்பட்டுள்ளார். 

மேலதிக விசாரணை

இந்நிலையில், சந்தேக நபரிடம்
இருந்து 2 கிராம் 580 மில்லி கிராம் அளவிலான ஐஸ் போதைப் பொருள் மீட்கப்பட்டுள்ளது. 

அத்துடன், சந்தேக நபர் உள்ளிட்ட சான்றுப்பொருட்கள் என்பன சட்ட நடவடிக்கைக்காக
நிந்தவூர் பொலிஸ் நிலையத்தில் ஒப்படைக்கப்பட்டுள்ளன. 

மேலும், இது தொடர்பான மேலதிக
விசாரணைகளை நிந்தவூர் பொலிஸார் மற்றும் களுவாஞ்சிக்குடி விசேட
அதிரடிப்படையினர் மேற்கொண்டு வருகின்றனர்.