காலி கோட்டை மதில் சுவரிலிருந்து தவறி விழுந்து ஒருவர் காயம்

காலி(Galle) கோட்டை மதில் சுவரில் இருந்து தவறிவிழுந்த நபரொருவர் காயங்களுடன் மருத்துவமனையில் அனுமதிக்கப்பட்டுள்ளார்.

காலி கோட்டையில் நேற்றிரவு (25) நடைபெறும் நத்தார் தின நிகழ்வை கண்டுகளிக்க ஆயிரக்கணக்கான மக்கள் ஒன்றுகூடியிருந்தனர்.

மருத்துவமனையில் அனுமதி

இந்நிலையில் காலி கோட்டையின் ரெம்பார்ட் ஹோட்டல் அருகே கோட்டையின் மதில் சுவரில் இருந்து தவறி விழுந்த நபரொருவர் காயமடைந்த நிலையில், காலி மருத்துவமனைக்கு எடுத்துச் செல்லப்பட்டுள்ளார்.

குறித்த நபர் காலி, கல்வடுகொட பிரதேசத்தைச் சேர்ந்தவர் என தெரியவந்துள்ளது.

மேலும், வைத்தியசாலையில் அனுமதிக்கப்பட்ட நபருக்கு காயங்கள் பாரதூரமான நிலைமையில் இல்லை என்றும் தெரிவிக்கப்பட்டுள்ளது.