தற்போதுள்ள கல்வி முறைமை, சம்பந்தப்பட்ட துறைகளில் உருவாகியுள்ள போட்டி மற்றும் கல்வியில் ஏற்பட்டுள்ள சூழ்நிலைகள் காரணமாக பாடசாலை மாணவர்களின் மனநலம் பெரும் பிரச்சினையாக மாறியுள்ளது என பிரதமரும் கல்வி அமைச்சருமான ஹரினி அமரசூரிய (Harini Amarasuriya) தெரிவித்துள்ளார்.
நிகழ்வொன்றில் இன்று (08) உரையாற்றிய அவர், சமூகம், தொடர்பாடல் மற்றும் குடும்பங்களுக்குள்ளான மாணவர்களின் மன ஆரோக்கியத்தில் தலையிட்டு பாதுகாப்பதற்கான வழிகளைக் கண்டறியும் அதே வேளையில் மேற்கண்ட பிரச்சினைகளுக்கு தீர்வு காண சரியான முறைமை நடைமுறைப்படுத்தப்பட வேண்டும் என்றார்.
தொடர்ந்தும் பிரதமர் அங்கு தெரிவித்ததாவது, தற்கொலைகள், தற்கொலை முயற்சிகள் மற்றும் சுய தீங்கு போன்ற சம்பவங்கள் நாட்டில் அதிகரித்து வருகின்றன, இந்த நிகழ்வுகள் தினசரி அறிக்கையிடப்படுகின்றன.
மனநலச் சேவை
பாடசாலைகளையோ, ஆசிரியர்களையோ, பெற்றோரையோ குறை கூறுவது எளிதல்ல. குற்றங்களைச் சுமத்துவதற்குப் பதிலாக, மாணவர்களின் இத்தகைய மன அழுத்தத்திற்கு உள்ளாக்கும் அடிப்படைக் காரணங்களில் கவனம் செலுத்த வேண்டும்.
எனவே, பாடசாலை மாணவர்கள், பதின்வயதினர் மற்றும் இளைய தலைமுறையினரின் தேவைகளை உணரக்கூடிய விரிவான மனநலச் சேவையை நடைமுறைப்படுத்துவது இன்றியமையாதது.
பிரச்சினைகளைக்கு தீர்வு
பிள்ளைகளுக்கான அனாதை இல்லங்கள், தடுப்பு இல்லங்கள் மற்றும் மனநல மருத்துவமனைகளில் சுகாதார சேவைகளை மேம்படுத்துவதற்கான நடவடிக்கைகளை நாம் தேட வேண்டும்
கல்வி முறையில் தொழில்நுட்பத்தை உள்வாங்குவதற்கான கொள்கைகளை உருவாக்க வேண்டும்.
பிள்ளைகளை பாதிக்கும் தற்போதைய மனநலப் பிரச்சினைகளுக்கு அரசாங்கம் மட்டும் முழுப் பொறுப்பேற்க முடியாது. அரசு சாரா நிறுவனங்கள், தனியார் நிறுவனங்கள் மற்றும் சர்வதேச நிறுவனங்கள் கூட்டாக இந்தப் பிரச்சினைகளைத் தீர்ப்பதற்கு பங்களிக்க வேண்டும்.
