புதிய அரசாங்கத்தின் கீழ் நாடாளுமன்ற உறுப்பினர்களால் தமது குடும்ப உறுப்பினர்களை தனிப்பட்ட ஊழியர்களாக நியமிக்க முடியாது என பிரதமர் ஹரிணி அமரசூரிய(Harini Amarasuriya) தெரிவித்துள்ளார்.
கம்பஹாவில் அண்மையில் இடம்பெற்ற தேசிய மக்கள் சக்தியின் (NPP) மகளிர் பிரிவினால் ஏற்பாடு செய்யப்பட்ட பேரணியில் கலந்து கொண்டு உரையாற்றிய போதே அவர் இதனை கூறியுள்ளார்.
புதிய அரசாங்கம்
அவர் மேலும் தெரிவிக்கையில்,“புதிய அரசாங்கத்தின் கீழ் நாடாளுமன்ற உறுப்பினர்களுக்கு வழங்கப்படும் வசதிகள் மட்டுப்படுத்தப்படும்.
உத்தியோகபூர்வ இல்லங்கள் மற்றும் பிற வசதிகள் போன்ற வசதிகள் குறைவாகவே இருக்கும்.
நாடாளுமன்ற உறுப்பினர்கள் தங்கள் குடும்ப உறுப்பினர்களை தங்கள் தனிப்பட்ட ஊழியர்களுக்கு இனி நியமிக்க முடியாது.
அமைச்சர்கள் மற்றும் எம்.பி.க்களின் நல்வாழ்வை விட நாட்டின் எதிர்காலத்திற்கான வளர்ச்சித் திட்டங்களில் மட்டுமே கவனம் செலுத்தப்படும்.
நாங்கள் ஒரு தேசிய கொள்கையின்படி செயல்படுவோம்.” என்று அவர் கூறியுள்ளார்.
Source: https://ibctamil.com/article/mps-not-appoint-family-membrs-as-personal-staff-1730696383
