நாடாளுமன்ற வீதியில் கவிழ்ந்த இராணுவ வாகனம்

 நாடாளுமன்ற நுழைவாயிலுக்கு அருகில் இராணுவத்தினருக்கு சொந்தமான டிஃபென்டர் ரக வாகனம் ஒன்று விபத்துக்குள்ளாகியுள்ளது.

இலங்கை இராணுவத்திற்கு சொந்தமான இந்த டிஃபெண்டர் ரக வாகனம் இன்று (25) அதிகாலை 05.30 மணியளவில் விபத்துக்குள்ளதாக தெரிவிக்கப்படுகிறது.

பெலவத்தையில் இருந்து நாடாளுமன்ற வீதியில் குறித்த வாகனம் பொரளை நோக்கி பயணித்த போது, ​திவவன்னா சதுப்பு நிலத்தில் கவிழ்ந்துள்ளது.

புதிய பாதுகாப்பு செயலாளரின் வாகனம்

விபத்து நடந்த போது சாரதி மாத்திரம் வாகனத்தில் இருந்துள்ளதுடன் அவருக்கு காயம் ஏதும் ஏற்படவில்லை.

இராணுவத்தினரின் தலையீட்டின் பின்னர், சுமார் இரண்டு மணித்தியாலங்களின் பின்னர் வாகனம் மீட்கப்பட்டுள்ளது.

இதேவேளை, ஜனாதிபதி அநுர குமாரவினால் நியமிக்கப்பட்ட இலங்கையின் (srilanka) புதிய பாதுகாப்பு செயலாளருக்கு பாதுகாப்பு அமைச்சினால் வழங்கப்பட்ட வாகனமே இவ்வாறு விபத்துக்குள்ளாகியுள்ளதாக தகவல்கள் வெளியாகியுள்ளமை குறிப்பிடத்தக்கது.