யாழில் முன்னெடுக்கப்பட்ட கிளீன் சிறிலங்கா வேலைத்திட்டம் !

நாட்டை தூய்மைப்படுத்தும் நோக்குடன் கிளீன் சிறிலங்கா வேலைத்திட்டமானது நாடளாவிய ரீதியில் முன்னெடுக்கப்பட்டு வருகின்றது.

இதனடிப்படையில், இன்று (06) யாழிலும் குறித்த வேலைத்திட்டம் முன்னெடுக்கப்பட்டுள்ளது.

சுன்னாகம் காவல் நிலைய பொறுப்பதிகாரியின் கீழான காவல்துறை குழுவினரால், சுன்னாகம் நகரப் பகுதியில் கிளீன் சிறிலங்கா வேலைத்திட்டமானது முன்னெடுக்கப்பட்டுள்ளது.

அறிவுறுத்தல்கள்

இதன்போது, தலைக்கவசம் இன்றி வாகனம் செலுத்துபவர்களுக்கு அறிவுறுத்தல்கள் வழங்கப்பட்டது.

அதுபோல வீதியோரங்களில் இடம்பெறும் சட்டரீதியற்ற நடமாடும் வியாபாரங்கள் செய்பவர்கள், வாகனங்களில் தேவையற்ற அலங்கரிப்பு செய்பவர்கள், வர்த்தக நிறுவனங்களின் பெயர்ப்பலகைகளை வீதியில் காட்சிப்படுத்துபவர்கள் உட்பட பலருக்கு அறிவுறுத்தல்கள் வழங்கப்பட்டு அவற்றை சீர் செய்யுமாறு அறிவிப்பு விடுக்கப்பட்டுள்ளமை குறிப்பிடத்தக்கது.