ஜனாதிபதி ரணில் விக்ரமசிங்கவின் (Ranil Wickramasinghe) வான் பயணத்தின் போது பாதுகாப்பிற்கென செல்லும் உலங்குவானூர்தி ஒன்று அவசரமாக தரையிறக்கப்பட்டது சர்ச்சையை ஏற்படுத்தியுள்ளது.
இலங்கை விமானப்படையின் பெல் 412 (SUH 522) நேற்று (14) நெல் வயல் ஒன்றில் திடீரென தரையிறங்கியது.
இந்நிலையில், இந்த சம்பவம் தொடர்பில் விமானப் படை விசாரணைகளை ஆரம்பித்துள்ளதாக தெரிவிக்கப்படுகின்றது.
பாதுகாப்பு பிரிவின் உயர் அதிகாரி
சம்பவம் குறித்து மேலும் தெரியவருகையில், இலங்கை விமானப் படைக்கு (Sri Lankan Air Force) சொந்தமான பெல் 412 ரக உலங்குவானூர்தி பயணத்தில் ஈடுபட்டுக்கொண்டிருந்த போது எப்பாவல பகுதியில் வைத்து திடீரென தரையிறக்கப்பட்டது.
இதனால் எவருக்கும் பாதிப்பு ஏற்படவில்லையென உறுதியாகியுள்ளது.
உலங்குவானூர்தியில் ஏற்ப்பட்ட தொழில்நுட்ப கோளாறு காரணமாக தரையிறக்கப்பட்டதாக தெரிவிக்கப்படுகின்றது
எனினும், ஒரு மணித்தியாலத்தின் பின்னர் உலங்குவானூர்தி கொழும்புக்கு பயணித்ததாக ஜனாதிபதி பாதுகாப்பு பிரிவின் உயர் அதிகாரியொருவர் தெரிவித்துள்ளார்.
