குட் பேட் அக்லி ரிலீஸ் எப்போது.. தயாரிப்பாளர் சொன்ன தகவல்

குட் பேட் அக்லி

துணிவு படத்தின் வெற்றிக்கு பின் அஜித் கமிட்டாகி நடித்து வந்த படம் விடாமுயற்சி. இப்படத்தின் படப்பிடிப்பு முடிந்த நிலையிலும், ரிலீஸ் தேதி குறித்து அதிகாரப்பூர்வமான அறிவிப்பு வெளிவரவில்லை.

ஆனால், அதன்பின் அஜித் கமிட் செய்த குட் பேட் அக்லி படத்தின் ரிலீஸ் தேதி 2025ஆம் ஆண்டு பொங்கல் என அறிவிக்கப்பட்டு விட்டது.

ரிலீஸ்

இந்த நிலையில், இடையில் குட் பேட் அக்லி ரிலீஸில் மாற்றம் என கூறி தகவல் வெளிவந்தது. 2025ஆம் ஆண்டு பொங்கலுக்கு வெளிவரவிருந்த குட் பேட் அக்லி திரைப்படம், தள்ளிப்போய், அஜித்தின் பிறந்தநாள் மே 1 வெளியாகும் என சொல்லப்பட்டது.

இந்நிலையில், குட் பேட் அக்லி படத்தின் தயாரிப்பாளர் மைத்திரி மூவி மேக்கர்ஸ் நவீன், ரிலீஸ் தேதி குறித்து பேசியுள்ளார். பத்திரிகையாளர்கள் சந்திப்பில், 2025ஆம் ஆண்டு பொங்கலுக்கு என்ன படம் ரிலீஸ் செய்கிறீர்கள் என கேள்வி கேட்கப்பட்டது.

இதற்கு பதிலளித்த தயாரிப்பாளர் நவீன், அஜித் சார் படத்தை ரிலீஸ் செய்ய திட்டமிட்டு வருகிறோம் என கூறியுள்ளார். இதனால் விடாமுயற்சி படத்திற்கு முன்பாகவே, குட் பேட் அக்லி வெளிவரவிருப்பது உறுதிசெய்யப்பட்டுள்ளது. விரைவில் இதற்கான அதிகாரப்பூர்வ அறிவிப்பை ரசிகர்கள் எதிர்பார்க்கின்றனர்.